(89)
| 
(0)Lapkrėtė 23 dėina 13 adīna Skouda koltūras cėntra Īlakiū skīrios Tamstū lauk Amatū dėinuo. Dalīvaus Īlakiū ėr Skouda rajuonā amatininkā, Platelių amatū cėntra darbštuolē, Plungės koltūras cėntra audiejū klūba dalīvės. Galiesėt anū darbus pačiopėnietė, nosėpėrktė, gėželes pabūtė, šiou bei tou patīs pameistravuotė. Ylakiške pristatīs koltūras cėntrė vīkduoma pruojekta – „Audėma ištakas” ėr par I etāpa išaustus darbus. Linksmins vėitėnē mozėkonta, Skouda rajuona koltūras cėntra muotrėškū ansāmblis „Svaja“ ėr Īlakiū „ Āldas“ polkliuoristā. Besėbėčiūliaudamė ėr ont dontėis kou nuors užmesem. Atēkėt so vėsa šeimīna ėr sosiedus atsėveskėt. Bus duovėnū, žaidėmu, vėino žuodio – smagē.
