Dvėgoba tetru šventė

Lapkrėstė 28 d. 14 ad. Skouda kultūras cėntrė vīks miegieju tetru švėntė „Vaidėnam tievū kalbo“. Pasėruodīs: Kretinguos rajuona kultūras cėntra E. Radžiaus tetros drama „Gīvenėms pu klevo“ (pagal Granauskė Ruomualda tuo patėis pavadėnėma apīsaka) – režisierios Žilinskis Duonats; Mažėikiu rajuona Seduos kultūras cėntra miegieju tetros „Vėdelčios“ – Untoliaus E. kuomedėjė „Lauru vainėks“ – režisierios Juokubauskis Gedėmėns; Latvėjės Respublikas Dorbės kultūras nomū miegieju tetros „Dīvatruons“ – Nasėbulėna Tagira ėr Kriučkuova Ruomana aleguorėnė paukštiu drama „Stuotėis balondelės“ – režisierė Cerinia Inesė; Rėitava kultūras cėntra miegieju tetros – kuomedėjė-kriminalinis tango „Pakeleivingė“ (pagal Erlėckiaus Jūzapa kūrėnius) – režisierios Andrioška Vincos. Švėntė ožbėngs Skouda kultūras cėntra Žemaitiu tetros – dramatėška kuomedėjė „Dobėlts ėšmiegėnėms“ – vaidėnėma autuorios ėr režisierios Untulis Edmunds. Tou dėina bus pamėnavuots ėr Skouda kultūras cėntra Žemaitiu teatra 20-ėis veikluos metu jubiliejos. Tou pruogo i rėngėni kvėitamė atvīktė vėsė bovosiėjē ėr esamė šiuo kuolektīva aktuorē. (Švėntės organizatuorē)